top of page

被DQ李文浩已抵英 傳涉公職人員行為失當被查

  • Connie Tsum
  • 2021年10月25日
  • 讀畢需時 2 分鐘

深水埗前區議員李文浩同劉家衡喺上任時聯合開設議員辦事處,但就喺上年喺議辦外張貼「藍絲與狗不得內進」嘅告示而惹起社會爭議。估唔到繼劉家衡同太太「着草」流亡海外後,李文浩今日(24日)都喺Facebook上貼文,透露自己已離開香港抵達英國,解釋話發現跟蹤佢嘅人比平時多,而行為模式亦與記者唔同,嗰刻佢就知道再唔走就可能太遲。不過,有網民留言聲稱話8月底就已經喺英國見到佢喎,反問佢做咩依家先肯講已離港?邊個先係講真呢?另有消息指,佢因告示一事涉公職人員行為失當罪,正被有關部門調查。


其實李文浩公開呢個消息前,就先以局勢難以預測為由,決定暫停運作由佢擔任主席嘅長沙灣社區發展力量。至9月底政府安排該區現任區議員宣誓時,佢就喺前一晚發貼文,表明拒絕出席宣誓儀式,最終佢因未作宣誓,而喪失區議員資格。


失去議席嘅李文浩尋日就上載咗一張幾日前喺倫敦希思羅機場所影嘅自拍「報平安」,話唔會用「流亡」兩隻字形容依家嘅狀況,直指「已經搵到更好嘅攻擊角度」。佢強調選擇離開呢個決定係經過深思熟慮,又指既然喺香港發揮唔到,就應該諗其他辦法,去做未完成嘅事。


佢明言去到英國唔會打「國際線」,因為唔係自己強項。至於可以做到啲乜,佢就話多講無益,有效果自然會見得到喎。有唔少網民見到消息後,都着李要平安,但亦有人聲稱8月底已經喺英國見到佢,話李如果唔係走佬,做乜唔堂堂正正,反而要隔咁耐先肯講喎。


至於劉家衡就因太太潘書韻涉毆打示威者而被控,早喺7月就宣布兩人已「着草」流亡海外,當時劉嘅前助理就狠批佢拋棄為其「賣命」嘅同案「手足」,任由佢喺香港自生自滅,其他助理亦煩惱未能得到薪酬,劉當時則發文否認指控。


之但係,雖然佢哋兩人已離港,但相信唔少人都仲會記得「藍絲與狗不得內進」事件。因為呢件事,民政事務處拒絕向佢哋發放上年1月至今年8月嘅辦事處租金津貼,當時李文浩就因為劉已離港,變相要硬啃兩份租金,更需要墊支幾十萬元嘅營運開支,同繳交辦事處租約賠償金,搞到最後要賣啤牌籌錢。估唔到,到最後兩人先後離開香港。

 
 
 

最新文章

查看全部
勇氣可嘉的少年

## 逆光飞翔——勇气之声 ### 剧本梗概 初中生林小雨患有轻微口吃,最大的恐惧是在公众面前说话。当班主任陈老师宣布全校演讲比赛的消息时,她如坠冰窟。在好友陈明的“意外”推动下,她的名字被写在了参赛名单上。面对退缩的念头、同学的质疑,以及内心巨大的恐惧,林小雨在严厉却温暖...

 
 
 
卧冰求鲤

## 卧冰求鲤 ### 剧本梗概 寒冬腊月,继母朱氏重病缠身,茶饭不思,唯独思念鲜鲤鱼汤。少年王祥为报答养育之恩,不顾严寒与村民劝阻,毅然走向冰封河面。赤身卧于寒冰之上,其至诚孝心竟感动天地,冰面化开,灵鸟衔鱼而至。一碗鱼汤入口,朱氏病愈,更被王祥赤诚感化,多年心结终融于春...

 
 
 

Comentários


Ontario

©2021 by Local News HK.

bottom of page