- Connie Tsum
全民皆攻！利物浦曼城大開殺戒
上前進攻。況且利物浦不但中前場有力入波，後防亦擁有多把尖刀，雖然阿歷山大阿諾特今場倦勤，但安德魯羅拔臣助攻力強，禁區外亦有遠射能力，如果有角球攻勢，雲迪積克亦可擔當帶刀侍衞角色，利物浦三線都有取分能力。
藍月亮全民皆攻
曼城喺歐聯作客不敵巴黎聖日耳門，但睇番形勢，其實「藍月亮」全場大部分時間佔上風，史達寧及貝拿度施華分別射門中楣，錯過扳平機會，輸波略嫌欠運。
事實上，哥迪奧拿嘅「無鋒陣」每次都有不同化學作用，由於冇話邊個一定踢正選，馬列斯、菲爾科頓、加比爾捷西斯、奇雲迪布尼、史達寧、費倫托利斯及基亞利殊等，均可以擔任前鋒或中場支援，而且隨時於比賽途中變陣。曼城近5次聯賽鬥利物浦，就有7位唔同球員曾經入波，當中4次開出3球或以上，今場榜首大戰肯定雙方都唔會退縮，2.5球入球大穩開。